Qendra e re, e vendosur brenda qendrës së kompetencës 'Kujtim Krasniqi', do të ndihmojë më shumë se 600 nxënës  të kësaj shkolle të zhvillohen profesionalisht dhe të identifikojnë shtigjet e karrierës, dhe do të lehtëson tranzicionin prej shkollës në punë.

Qendra është themeluar si rezultat i një bashkë-investimi midis projektit të Agjencisë Zvicerane për Zhvillim dhe Bashkëpunim (SDC) të quajtur Rritja e Punësimit për të Rinjë (EYE) dhe Agjencisë për Arsim dhe Aftësim Profesional dhe Edukim për të Rritur.

Qendra do të luajë një rol të rëndësishëm në stimulimin e regjistrimit të të rinjve në këtë shkollë profesionale, përmirësimin e ndërgjegjësimit të prindërve dhe forcimin e marrëdhënieve me sektorin privat dhe tregun e punës.

Albina Berisha, Menaxhere e Projektit EYE tha: "Themelimi i qendrave të karrierës është me rëndësi të madhe për disa arsye: së pari, ato ndihmojnë shkollat të komunikojnë më mirë me prindërit për zgjedhjet e mundshme të fëmijëve të tyre në karrierë; së dyti, ato ndihmojnë bizneset duke përmirësuar aftësitë e punonjësve e ardhshëm nga shkollat locale, dhe së treti, ato u ofrojnë studentëve udhëzime dhe informacion mbi tregun e punës dhe punësimin ".

Albina gjithashtu deklaroi se këto qendra priten të promovojnë arsimin profesional dhe të rrisin numrin e studentëve të regjistruar në këto shkolla, duke shtuar se shkollat e AFP-së i sjellin studentët më shpejt në punë dhe ofrojnë zgjidhje të drejtuara nga industria.

Kjo është qendra e 9-të e karrierës e themeluar në shkolla ​​profesionale anembanë Kosovëns përmes mbështetjes së EYE dhe institucioneve publike.

Së bashku me partnerët tanë, ne do të vazhdojmë të ndihmojmë të rinjtë e Kosovës të bëjnë zgjedhje të informuara në karrierë, dhe të fitojnë më shumë mundësi punësimi dhe të ardhura përmes një sistemi të përmirësuar të ndërmjetësimit të punës.