Vajzave ju thuhet vazhdimisht se ato mund të bëjnë një ndryshim në botën e tyre. Por ato ballafaqohen me realitete tjera në familje, komunitete dhe vendet e tyre që sfidojnë atë ideal. Ato vazhdojnë të jenë anëtare të shoqërisë më pak të paguara, më pak të punësuara dhe më pak të vlerësuara, ndërsa perpiqen ti bashkengjiten tregut të punës.

Prandaj me rastin e shënimit të Ditës Ndërkombëtare të Vajzave më 11 Tetor, Qendrat e Karrierës të komunës së Prishtinës dhe Vushtrrisë organizuan “Turneun e Karrierës” për vajzat e shkollave profesionale në këto dy qytete, me qëllim të fuqizimit dhe vetëdijësimit të  tyre për një sukses të ardhshëm në karrierë dhe largimin e stereotipeve për profesionet e ndara sipas gjinive.

Turneu i karrierës u realizua në Pejë, respektivisht në kompanitë ELKOS dhe Birra e Pejës, ku 40 vajza të klasës së 12^të nga Vushtrrija dhe Prishtina kishin rastin të kuptojnë rrugëtimin drejt karrierës dhe  jetës profesionale të menaxhereve, inxhiniereve dhe teknologeve ne keto kompani.

Aktiviteti është mbështetur nga projekti “Rritja e Punësimit për të Rinjë (EYE)” i Zyrës Zvicrane për Bashkëpunim (SDC) zbatuar nga konsorciumi HELVETAS Swiss Intercooperation Kosovo (HSIK) dhe Management Development Associates (MDA), në bashkëpunim të ngusht me Komunën e Pejës dhe projektin “Rinia dhe Punësimi” zbatuar nga Solidar Suisse Kosova.