2022-05-29 
Kosova midis 24 shteteve e përfaqësuar në Akademinë Ndërkombëtare të Rrjetit për Inovacione në Orientimin dhe Këshillimin për Karrierë në Evropë (NICE)!
Në akademinë Ndërkombëtare NICE, koleget e EYE Valbona dhe Majlinda folën për Modelin e Qendrës për Karrierë në Shkollë e zhvilluar për shkollat profesionale në Kosovë me mbështetjen e projektit EYE, gjithashtu i kombinuar me shërbimet e karrierës në internet të platformës Busulla.com.
Këto qendra dhe shërbimet që i japin po ndihmojnë në rritjen e regjistrimit të të rinjve në shkollat profesionale, po përmirësojnë vetëdijësimin e prindërve dhe po forcojnë marrëdhëniet në mes të sektorit privat dhe tregut të punës.
Projekti EYE punon për të krijuar qendra të karrieres në gjithë Kosovën, të cilat do të ndihmojnë nxënësit e tanishëm, nxënësit e ardhshëm, nxënësit e diplomuar dhe të rriturit që braktisin shkollën, që të mund të identifikojnë dhe ndjekin karriera në fushën e tyre të preferuar.
