Dje patëm kënaqësinë të shënojmë përurimin e një qendre të re të karrierës në shkollën Jonuz Zejnullahu në Viti, e bërë e mundur si rezultat i një bashkë-investimi midis SDC, EYE dhe Komunës së Vitisë.

Kjo qendër e karrierës do të këshillojë qindra nxënës, do të ndërmjetësojë punësimin, dhe gradualisht do të kontribuojë në adresimin e mospërputhjes së aftësive që ka qenë sfida më e madhe për tregun e punës në Kosovë.

Në vitin 2020, ndërsa përhapej pandemia, studentët në të gjithë Kosovën u gjendën në një situatë të paprecedentë, dhe kalimi i tyre nga shkolla në punë u bë veçanërisht sfidues pasi tregu i punës përjetoi ndryshime të mëdha.

Ky vit na ka treguar se tani, më shumë se kurrë, udhëzimi për karrierë është shumë i nevojshëm. Na duhen qendra karriere për t'i mësuar studentët se si të përshtaten me pasigurinë e vitit 2020, për të ndërtuar besimin dhe për t'i fuqizuar ata, për t’i identifikuar aftësitë e tyre, për të lehtësuar punësimin dhe për t'i pajisur ata me aftësi për të kuptuar më mirë botën e punës.

Për arsimin dhe aftësimin profesional, udhëzimi në karrierë është veçanërisht i rëndësishëm pasi përmirëson efikasitetin e arsimit, forcon lidhjet me tregun e punës dhe sektorin privat, dhe rrit regjistrimin.

Së bashku me një sërë partnerësh lokalë siç është AVETAE, ne tashmë kemi krijuar qendra të karrierës në 8 shkolla të arsimit profesional në të gjithë Kosovën. Kjo do të jetë qendra e 9-të dhe ne shpresojmë që ky model të bindë shkollat ​​dhe komunat e tjera që të hyjnë në një bashkëpunim të ngjashëm për ofrimin e udhëzimeve në karrierë, edhe pa fonde të jashtme.