Une jam Bekim Veseli nga komuna e Pejës. Fillimisht kam qenë i papunë dhe nuk kam parë perspektivë për të ardhmen time derisa një shok më njoftoj për kurset e Beetroot academy. Unë i kontaktova dhe i pyeta në detaje për të gjitha kurset dhe më njoftuan që sapo kanë filluar me kursin e ri “Quality Assurance”. Pasi më njoftuan në detaje për përmbajtjen e kursit, më pëlqeu si profil dhe vendosa ta ndjekë kursin.

Fillimisht nuk ishte e lehtë pasiqë si i papunë që isha me duhej poashtu të udhëtoja tri herë në javë nga Peja për të ndjekur kursin dhe të kthehesha. Por e kisha qëllim që ta perfundoj kursin dhe të arrij dicka në jetë. Kursi ka qenë i jashtëzakonshëm, si mësimet, detyrat, testet e ndryshme, trajneri ka qenë i mrekullueshëm, si dhe njohja me kolegë të rinjë. 

Pas përfundimit të kursit, Beetroot Academy më ofroi punë praktike për 3 muaj në kompaninë Kutia. Kjo më motivoi shumë sepse nga një i papunë, për dy muaj e gjysëm arrita të filloj punë praktike me pagesë. 

Gjatë punës praktike vazhdimisht jam zhvilluar përmes udhezime të mentorit, kam punuar në projekte reale dhe kam krijuar shoqëri të re. 

Pas përfundimit të punës praktike, kompania Kutia më ofroi punë të rregullt si Junior QA Manual tester, për cka edhe jam shumë i lumtur.

Gjithë kjo përvojë e këtyre muajve, sakrifica, mundi dhe angazhimi më janë shpërblyer, por mbi të gjitha më ka ndihmuar kursi në Beetroot Academy. Prandaj, ju rekomandoj të rinjëve që të fillojnë sa më parë t’i zhvillojnë shkathtësistë në këtë industri.