Në kuadër të ekipit tonë dhe nga rrjeti i konsulentëve tanë kemi ekspertë në shumë aspekte të qeverisjes lokale.  Këta ekspertë i angazhojmë për të ndihmuar në zhvillimin e kornizës së politikave dhe asaj ligjore përmes së cilës organizohet qeverisja lokale në Kosovë.

Përdorimi i kësaj ekspertize mund të iniciohet në dy mënyra të ndryshme:

• Ministria e Administrimit të Pushtetit Lokal bënë kërkesë tek ne për të analizuar një çështje të politikave për ta, në mënyrë që vendimmarrja e tyre të mbështetet me hulumtim.
• Ne identifikojmë fushat e sistemit të qeverisjes vendore, apo performancës komunale, që duket se nuk funksionojnë në mënyrë optimale dhe analizojmë pengesat për përmirësim.

Qëllimi i kësaj pune është të mbështesë sistemin komunal që të funksionojë në mënyrë logjike dhe të parashikueshme bazuar në rregulla të qarta, veçanërisht në lidhje me transfertat financiare ndërqeveritare. Kjo punë gjithashtu ndihmon komunat të përmirësojnë funksionin e tyre dhe të rrisin qasjen e tyre në Grantet e Performancës.